කොළඹ මහනගර සභාව විසින් සනී­පා­ර­ක්ෂක කට­යුතු සඳහා පෞද්ග­ලික සමා­ගම් වෙත මුදල් දීමේදී, මහ­ජ­න­තාව විසින් පරි­හ­ර­ණය නොකළ, ජල පහ­සු­කම් පවා නැති ඉබි­-ය­තුරු දමා වසා ඇති වැසි­කිළි පද්ධති සඳහා සේවා සැපයූ බව පවසා මුදල් ගෙවීම සම්බ­න්ධ­යෙන් විග­ණන විම­සුම් මඟින් පරී­ක්ෂණ අරඹා ඇත.

ඒ වැසි­කිළි පද්ධති මහ­ජ­න­තා­වට කිසිදු අව­ස්ථා­වක භාවි­ත­යට පවරා දී නැති අතර, අදාළ පෞද්ග­ලික ආය­තන ඒවා පිරි­සුදු කිරීම් හෝ නඩත්තු කිරීම් කිසි­වක් සිදු කර නැති බවද අනා­ව­ර­ණය වේ.

කොළඹ දිසා අංක 1 සහ දිසා අංක 2A යනු­වෙන් වෙන් කර ඇති වැසි­කිළි පද්ධති කොට්ඨාස 2ක් වෙනු­වෙන් මෙසේ මුදල් ගෙවා ඇති අතර, එක් වැසි­කිළි පද්ධ­ති­යක් වෙනු­වෙන් රුපි­යල් ලක්ෂ 20කට අධික මුද­ලක් ගෙවීම සම්බ­න්ධ­යෙන් කරුණු විමසා ඇත.

2026.01.29 දිනැති අංක WPLG/CL/A/CMC/AQ/2025/10 විග­ණන විම­සුම මඟින් මෙසේ කරුණු විමසා ඇති අතර, මෙය කාල­යක් තිස්සේ සිදුව ඇතැයි මේ වන විට හෙළි වී තිබේ.(සිළුමිණ)