පසුගිය මාසයේ එක්සත් ජනපද ගුවන් හමුදා කඳවුරු දෙකක් සහ එහි හමුදා උපකරණ ඡායාරූප ගත කළ බවට චෝදනා එල්ල වූ චීන ජාතිකයෙකු අත්අඩංගුවට ගත් බව මිසූරි නීතිපති කාර්යාලය පවසයි.

සැකකාර චීන ජාතිකයා විසින් ඡායාරූප ගත කර ඇති හමුදා උපකරණ අතරට B-2 ස්පිරිට් ස්ටෙල්ත් බෝම්බ හෙලන යානා ද ඇතුළත් බව පැවසේ.

බලධාරීන් පැවසුවේ සැකකරු 35 හැවිරිදි Qilin Wu ලෙස හඳුනා ගෙන ඇති බවයි.

ඔහු 2023 දී ඇරිසෝනා-මෙක්සිකෝ දේශ සීමාව ඔස්සේ නීතිවිරෝධී ලෙස එක්සත් ජනපදයට ඇතුළු ඇතැයි ද අනාවරණ වී ඇත.

ආගමන බලධාරීන් විසින් මීට පෙර ඔහු අත්අඩංගුවට ගනු ලැබුවද, පසුව ඔහු රඳවා තබා ගැනීමේ ඉඩක් නොමැතිකම හේතුවෙන් නිදහස් කරන ලද අතර 2027 සඳහා සැලසුම් කර ඇති ආගමන ඉවත් කිරීමේ ක්‍රියාවලියක් ලබා දුන් බව නිලධාරීන් පැවසීය.

නීතිපති කාර්යාලය පැවසුවේ, විමර්ශකයින් සැකකරු දෙසැම්බර් 2 වන දින Whiteman ගුවන් හමුදා කඳවුර අසලදී අල්ලා ගෙන ඇති බවයි.

එහි අමෙරිකානු හමුදාවට අයත් B‑2 ස්පිරිට් ස්ටෙල්ත් බෝම්බ හෙලන බලඇණිය ස්ථාපිත කර අතර, එහි න්‍යෂ්ටික සහ ස්ටෙල්ත් හැකියාවන් නිසා සුවිශේෂී ලෙස සංවේදී වත්කමකි.

සැකකරු කඳවුරේ ඡායාරූප සහ වීඩියෝ 18 ක් සන්තකයේ තබාගෙන සිටි බව කියනු ලැබේ.

තවත් එක්සත් ජනපද ගුවන් හමුදා කඳවුරක ඡායාරූප ගත් බවට ද ඔහු පිළිගත් බව පැවසෙන නමුත් එම ස්ථානය කුමක්ද යන්න අමෙරිකානු බලධාරීන් මෙතෙක් අනාවරණ කර නැහැ.