January 12, 2026
දකුණු අප්රිකාවේ නිල සංචාරයකින් පසු චීනය බලා යන අතරතුර චීන විදේශ අමාත්ය වැන්ග් යී මහතා අද (12) අලුයම කටුනායක බණ්ඩාරනායක අන්තර්ජාතික ගුවන්තොටුපොළට පැමිණියේය.
දකුණු අප්රිකාවේ ඩර්බන් සිට ආපසු පැමිණෙන අතරතුර අමාත්ය වැන්ග් යී 17 දෙනෙකුගෙන් යුත් චීන දූත පිරිසක් සමඟ ශ්රී ලංකාවට පැමිණියේය.
ශ්රී ලංකාවේ චීන තානාපති චී ෂෙන්හොං සහ චීන තානාපති කාර්යාලයේ ජ්යෙෂ්ඨ නිලධාරීන් විසින් දූත පිරිස ගුවන්තොටුපළේදී පිළිගනු ලැබීය.
ශ්රී ලංකා රජය නියෝජනය කරමින් විදේශ කටයුතු අමාත්යාංශයේ නැගෙනහිර ආසියානු සහ ඕෂනියා අංශයේ අධ්යක්ෂ ජනරාල් සාවිත්රි පානබොක්කේ සහ අනෙකුත් අමාත්යාංශ නිලධාරීහු ද සංචාරක දූත පිරිස පිළිගැනීමට පැමිණ සිටියහ.
චීන විදේශ අමාත්යවරයා සහ ඔහුගේ දූත පිරිස අද දහවල් ශ්රී ලංකාවෙන් චීනය බලා පිටත්ව යෑමට නියමිතය.
