August 28, 2023
ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ, ඉන්දියාව විසින් මෑතකදී දියත් කරන ලද රොකට් යානය පිළිබඳ සාකච්ඡාවලට ප්‍රතිචාර දක්වා ඇත.
රටේ මිනිසුන් එම රොකට්ටුව තම සහෝදරයා යවන ලද රොකට්ටුව සමඟ සම්බන්ධ කරන බව හෙතෙම සඳහන් කරයි.
ශ්‍රී ලංකා පොදුජන පෙරමුණ සංවිධානය කළ සම්මන්ත්‍රණයක් අමතමින් ඔහු කියා සිටියේ පාර්ලිමේන්තුවේදීත් තමන්ගෙන් මේ ගැන විමසූ බවයි.
“රොකට්ටුව පෞද්ගලික අංශයේ ව්‍යාපෘතියක් ලෙස මගේ සහෝදරයා යවා තිබුණා. රජයේ ආයෝජනයක් තිබෙනවා නම් එය කෝප් කමිටුවට ඉදිරිපත් කළ යුතුයි. නමුත් පෞද්ගලික ව්‍යාපාරිකයෙක් කරන ආයෝජනයක් ගැන අපිට ප්‍රශ්න කරන්න බැහැ. විපක්ෂ නායක සජිත් ප්‍රේමදාස මහතාට එම ආයෝජනය ගැන විමසීමට අවශ්‍ය නම් එය ඔහුට භාරයි, එය ඔහුගේ දැක්මයි. එයාට පුළුවන් මේ සිද්ධිය ගැන පරීක්‍ෂණ කරලා කෝප් කමිටුවට ඉදිරිපත් කරන්න රජයේ ආයෝජන තියෙනවා නම්.” යැයි මන්ත්‍රීවරයා වැඩිදුරටත් සඳහන් කර ඇත.
