September 4, 2025
ක්රියාකාරී මට්ටමේ නොමැති රාජ්ය ව්යවසාය 33ක් වසාදැමීමට කැබිනට් අනුමැතිය හිමිව තිබේ.
රජයේ ප්රතිව්යුහගතකරණය කිරීමේ වැඩසටහනේ අදියර දෙකක් යටතේ තෝරාගත් රජය සතු ව්යවසාය වසාදැමීමට නියමිතය.
ඊට අදාළ කැබිනට් යෝජනාව පහතින් දැක්වේ.
‘මහජන සේවා සැපයීම සහ උපායමාර්ගික ආර්ථික ක්රියාකාරකම් ප්රවර්ධනය කිරීම වැනි අරමුණු සාක්ෂාත් කර ගැනීම සඳහා කලකට පෙර පිහිටුවන ලද ඇතැම් රාජ්ය ව්යවසායයන් ඒවා පිහිටුවීමේ අරමුණු වර්තමානය සමඟ නොගැළපීම සහ වෙළෙඳපොළ අවශ්යතා සමඟ නොගැළපීම යන හේතූන් මත තවදුරටත් පවත්වාගෙන යාම ප්රායෝගික නොවීම සහ ඌන මූල්ය කාර්යසාධනය ආදී හේතු නිසා අක්රිය තත්ත්වයට පත් ව තිබේ. ජාතික ආර්ථිකයට හෝ රාජ්ය සේවා සැපයීමට අර්ථවත් දායකත්වයක් ලබා නොදෙන ව්යවස්ථාපිත ආයතන, රාජ්ය සංස්ථා හා රජය සතු සමාගම් වැනි විවිධ කාණ්ඩයන්ට අයත් රාජ්ය ව්යවසායයන් රජයට වැය බරක් වන පරිදි තවදුරටත් පවත්වාගෙන යාම වෙනුවට, එම ආයතන ඈවර කර වසා දැමීම යෝග්ය බවට හඳුනාගනු ලැබ ඇත. ඒ අනුව, මුදල්, ක්රමසම්පාදන සහ ආර්ථික සංවර්ධන අමාත්ය වශයෙන් ගරු ජනාධිපතිතුමා විසින් ඉදිරිපත් කරනු ලැබ ඇති යෝජනාව සැලකිල්ලට ගෙන, එම අමාත්යාංශය යටතේ ස්ථාපිත කරනු ලබන විශේෂ ඈවර කිරීමේ ඒකකයක අධීක්ෂණය යටතේ දැනට ක්රියාකාරී මට්ටමේ නොමැති රාජ්ය ව්යවසායයන් 33ක් අදියර 02ක් යටතේ විධිමත් ලෙස ඈවර කර වසා දැමීම පිණිස අමාත්ය මණ්ඩලයේ අනුමැතිය ලබාදෙන ලදී.’
