බිළිඳුන් හත්දෙනකු ඝාතනය කිරීම සහ තවත් හයදෙනෙකු ඝාතනය කිරීමට තැත්කිරීම සම්බන්ධයෙන් වරදකරු වූ 33 හැවිරිදි ලුසී ලෙට්බි නමැති බ්‍රිතාන්‍ය හෙදියට සඳුදා (21දා) මැන්චෙස්ටර් අධිකරණයක් විසින් ජීවිතාන්තය දක්වා සිර දඬුවම් නියම කළ බව එක්සත් රාජධානියේ මාධ්‍ය වාර්තා කරයි.

මෙම බිහිසුණු නඩුව මෑත මාස කිහිපය තුළ එක්සත් රාජධානියේ සහ ලොව පුරා අවධානයට ලක් වූ අතර පසුගිය සිකුරාදා මැන්චෙස්ටර් ක්‍රවුන් අධිකරණය විසින් ඇය වැරදිකාරිය බවට පත්කරන ලදී.

මෙම නියෝගයෙන් අදහස් වන්නේ ඇය කිසි විටෙකත් සමාව සඳහා සුදුසුකම් නොලබන බවයි.

පළමු මරණ කිහිපය සැක සහිත බවට සමහර වෛද්‍යවරුන් අනතුරු අඟවා තිබීම නිසා මෙම නඩුව එක්සත් රාජධානියේ ජාතික සෞඛ්‍ය සේවයට බොහෝ විවේචන එල්ල විය.

එහෙත් රෝහල් බලධාරීන් මුලදී ඒ සම්බන්ධයෙන් සැලකිවයුතු ලෙස විමර්ශනය කිරීමට උත්සුක නොවූ අතර තවත් කිහිප දෙනෙකු ඝාතනය කිරීමට ලෙට්බිට හැකි විය.

ලෙට්බි 2015 සහ 2016 අතර චෙස්ටර් රෝහලේ කවුන්ටස්හි නව ජන්ම වාට්ටුවේ සේවය කළේය.