එක්සත් ජාතික පක්ෂයේ (UNP) සාමාජිකයෝ පිරිසක් අද (26) උදෑසන අස්ගිරි මහා විහාරයට ගොස් අස්ගිරි පාර්ශවයේ මහානායක අතිපූජ්‍ය වරකාගොඩ ශ්‍රී ඥානරතන නාහිමියන් මුණගැසුණහ.

එජාප නියෝජ්‍ය නායක රුවන් විජේවර්ධන, පක්ෂ මහලේකම් තලතා අතුකෝරල සහ පක්ෂයේ ජ්‍යෙෂ්ඨ සාමාජිකයෝ පිරිසක් ඇතුළු කණ්ඩායම, මහා නාහිමියන් සමඟ සාකච්ඡාවක නිරත වූහ.

මෙම රැස්වීම අතරතුර, හිටපු ජනාධිපති රනිල් වික්‍රමසිංහ වටා ඇති වත්මන් තත්ත්වය මෙන්ම රටේ පවතින දේශපාලන හා ආර්ථික තත්ත්වයන් පිළිබඳවද ඔවුන් සාකච්ඡා කළහ.

හිටපු ජනාධිපතිවරයාගේ වත්මන් සෞඛ්‍ය තත්ත්වය සඳහා ඔවුහු මහා නාහිමියන්ගෙන් ද ආශිර්වාද ලබාගත්හ.