July 12, 2025
අගමැතිනි ආචාර්ය හරිනි අමරසූරියගේ සභාපතිත්වයෙන් යුත් උසස් තනතුරු පිළිබඳ කමිටුව නව අමාත්‍යාංශ ලේකම්වරුන් සිව් දෙනෙකුගේ පත්වීම් අනුමත කර තිබේ.
පාර්ලිමේන්තුවේ සන්නිවේදන දෙපාර්තමේන්තුව නිකුත් කළ නිවේදනයක දැක්වුණේ අනුමත කරන ලද පත්වීම් අතරට බලශක්ති අමාත්‍යාංශයේ ලේකම් ලෙස මහාචාර්ය කේ. ටී. එම්. උදයංග හේමපාල සහ අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ ලේකම් ලෙස කේ. එම්. ජී. එස්. එන්. කළුවැව යන දෙදෙනාගේ පත්වීම් ඇති බවයි.
ඊට අමතරව, කම්කරු අමාත්‍යාංශයේ ලේකම් ලෙස එස්. එම්. පියතිස්ස සහ කාන්තා හා ළමා කටයුතු අමාත්‍යාංශයේ ලේකම් ලෙස කේ. ඩී. ආර්. ඔල්ගා පත් කිරීමට අනුමැතිය ලබා දී ඇත.
