සූදු නියාමන අධිකාරියක් පිහිටුවීම සඳහා වන පනත් කෙටුම්පත මුදල්, සැලසුම් සහ ආර්ථික සංවර්ධන අමාත්‍යවරයා ලෙස ජනාධිපති අනුර කුමාර දිසානායකගේ නියෝග යටතේ ගැසට් කර ඇත.

සූදු නියාමන අධිකාරිය පිහිටුවීම, අශ්ව රේසිං ඔට්ටු ඇල්ලීමේ ආඥා පනත, සූදු ආඥා පනත සහ කැසිනෝ ආඥා පනත අවලංගු කිරීම සහ ඒ හා සම්බන්ධ කරුණු යටතේ විධිවිධාන සැලසීම සඳහා මෙම පනත කෙටුම්පත් කර ඇත.

පාර්ලිමේන්තුවට ඉදිරිපත් කර සම්මත වූ පසු, එම පනත් කෙටුම්පත සූදු නියාමන අධිකාරි පනත ලෙස ක්‍රියාත්මක වේ.

සූදු නියාමන අධිකාරිය පුළුල් නියෝගය සහිත ස්වාධීන ආයතනයක් ලෙස ස්ථාපිත කෙරේ.

සූදුවට අදාළ ආදායම් එකතු කිරීම, සූදු මෙහෙයුම්වල විනිවිදභාවයෙන් යුතුව යහපාලනය සහතික කිරීම සහ නීතිවිරෝධී සූදු ක්‍රියාකාරකම් වැළැක්වීම ඇතුළු ප්‍රධාන යෝජනා කිහිපයක් ක්‍රියාත්මක කිරීම එයට පැවරෙනු ඇත.