නායක අනුර කුමාර දිසානායකගේ නායකත්වයෙන් යුත් ජාතික ජන බලවේගයේ(NPP) නියෝජිත පිරිස ඉන්දීය අගමැති නරේන්ද්‍ර මෝදිගේ නිජබිම වන ගුජරාට් ප්‍රාන්තය බලා ඊයේ සිය ඉන්දීය සංචාරයේ දෙවැනි දිනය නිමා කිරීමෙන් අනතුරුව පිටත්ව ගිය බව වාර්තා වේ.

NPP නියෝජිත පිරිස ගුජරාටි මහ ඇමති බුපේන්ද්‍ර පටෙල් හමුවීමට සහ ප්‍රාන්තයේ දර්ශන නැරඹීමට බලාපොරොත්තු වේ.

ගුජරාට් ප්‍රාන්තය යනු කලක් ප්‍රාන්තයේ මහ ඇමතිවරයා ලෙස කටයුතු කළ ඉන්දීය අගමැතිවරයාගේ දේශපාලන බලකොටුවයි.

ප්‍රාන්තයේ සංවර්ධනයේ ඔහුගේ සාර්ථකත්වය, පසුව ඉන්දියාවේ ප්‍රධානම තනතුරට ගමන් කිරීමේදී ඔහුගේ ප්‍රතිරූපය ඉහළ නැංවීය.

NPP නියෝජිත පිරිස ඊයේ ප්‍රමුඛ ඉන්දීය චින්තන පර්ෂදයක් වන ‘Observer Research Foundation’ හි නියෝජිතයින් සමඟ සාකච්ඡා පැවැත්වූහ.

මීට පෙර, මෙම සංචාරය අතරතුරදී ඔවුන් ඉන්දීය විදේශ කටයුතු ඇමැති ආචාර්ය එස්. ජයිශංකර්, ජාතික ආරක්ෂක උපදේශක අජිත් දොවාල් සහ විදේශ ලේකම් විනේ මෝහන් මුණගැසී තිබේ.