ඊශ්‍රායල රජයේ සහාය ඇතිව ක්‍රියාත්මක රැකියා වැඩසටහනක් යටතේ, ගෘහ සාත්තු සේවක අංශයේ රැකියා සඳහා ශ්‍රී ලාංකික කාන්තාවන් 29 දෙනෙකුගෙන් යුත් නව කණ්ඩායමක් ජූලි 7 සහ 9 යන දිනවල ඊශ්‍රායලය බලා පිටත්ව යනු ඇත.

තෝරාගත් කාන්තාවන්ට ගුවන් ටිකට්පත් නිල වශයෙන් භාරදීම ඊයේ (4) ශ්‍රී ලංකා විදේශ රැකියා කාර්යාංශයේදී සිදු විය.

2025 දී මේ දක්වා, සාත්තු සේවකයන් 379 දෙනෙකු ඊශ්‍රායලයේ රැකියා අවස්ථා ලබාගෙන ඇත.

මෙම රැකියා ශ්‍රී ලංකා සහ ඊශ්‍රායල රජයන් අතර ද්විපාර්ශ්වික ගිවිසුමක් යටතේ ලැබෙන අතර, එමඟින් ඊශ්‍රායලයේ ගෘහ රැකවරණ අංශයේ පුහුණුව ලත් ශ්‍රී ලාංකික සාත්තු සේවකයන් සඳහා රැකියා පහසුකම් සපයයි.

ශ්‍රී ලංකා විදේශ රැකියා කාර්යාංශයට අනුව, මේ දක්වා මෙම ගිවිසුම යටතේ ශ්‍රී ලාංකිකයන් 2,269 දෙනෙකු ඊශ්‍රායලයේ සාත්තු සේවක අංශයට බඳවා ගෙන ඇත.