මහාපරිමාණ අන්තර්ජාල මූල්‍ය වංචාවකට සම්බන්ධ බවට සැක කෙරෙන චීන ජාතිකයන් 114 දෙනකු අත්අඩංගුවට ගෙන ඇති බව පොලිසිය පවසයි.

මහනුවර දිස්ත්‍රික්කයේ කුණ්ඩසාලේ පිහිටි සුඛෝපභෝගී බංගලාවක් වැටළීමකදී මෙම අත්අඩංගුවට ගැනීම් සිදුකර ඇත.

සැකකටයුතු අපරාධ ජාලයක් ඉලක්ක කරගත් පොලිස් මෙහෙයුමකදී වංචනික ක්‍රමයට භාවිතා කළ බවට විශ්වාස කෙරෙන ඩෙස්ක්ටොප් පරිගණක 15 ක් සහ ජංගම දුරකථන 300 කට අධික සංඛ්‍යාවක්ද අත්අඩංගුවට ගෙන ඇත.

සැකකරුවන්ගේ ක්‍රියාකාරකම් සිදුකළ බව කියන බංගලාවේ කාමර 47ක් සෝදිසි කළ බව පොලිසිය පවසයි.

ශ්‍රී ලංකාවේ අන්තර්ජාල වංචා සම්බන්ධයෙන් පසුගිය සතියේ විදේශිකයන් 200කට ආසන්න පිරිසක් අත්අඩංගුවට ගෙන ඇත.

* හංවැල්ල ප්‍රදේශයේ ස්ථාන දෙකකින් චීන ජාතිකයන් 30ක්, ඉන්දියානුවන් 4ක් සහ තායි ජාතිකයන් 6ක් අත්අඩංගුවට

*පසුගිය 7 වැනිදා නාවල ප්‍රදේශයෙන් චීන ජාතිකයන් 19ක් අත්අඩංගුවට

* චීන ජාතිකයින් 20 දෙනෙකු පානදුරේදී 10 වැනිදා අත්අඩංගුවට ගෙන තිබේ

* කුණ්ඩසාලේ දී චීන ජාතිකයන් 120ක් අත්අඩංගුවට