August 14, 2025
ආයෝජන මණ්ඩලය යටතේ විදේශීය ආයෝජකයින් හත්දෙනකුට මෙරට ගංජා වගාකිරීමට අවසර දීමට රජය ගත් තීරණය සම්බන්ධයෙන් මධ්‍යසාර හා මත්ද්‍රව්‍ය තොරතුරු මධ්‍යස්ථානය(ADIC) දැඩි කනස්සල්ල පළකර තිබේ.
මේ සම්බන්ධයෙන් අදහස් දක්වමින් එම මධ්‍යස්ථානයේ විධායක අධ්‍යක්ෂ සම්පත් ද සේරම් පවසන්නේ, ශ්‍රී ලංකා වෛද්‍ය සංගමය, මනෝවෛද්‍ය විද්‍යාලය, ප්‍රජා වෛද්‍ය විද්‍යාලය සහ මහජනතාවගේ දැඩි විරෝධය හේතුවෙන් මීට පෙර ද එවැනිම යෝජනාවක් ප්‍රතික්ෂේප කළ බවයි.
විපක්ෂයේ සිටියදී මෙම යෝජනාවට විරුද්ධ වූ වත්මන් ආයෝජන ප්‍රවර්ධන නියෝජ්‍ය අමාත්‍යවරයා දැන් එය සිය නව භූමිකාව තුළ ප්‍රවර්ධනය කරමින් සිටින බව ඔහු සඳහන් කරයි.
එමෙන්ම ඔහු අනතුරු අඟවන්නේ, ගංජා නීතිගත කිරීමට ගෝලීය උත්සාහයන් පවතින නමුත්ති, දැඩි විරෝධතා සහ විශේෂඥ මතයන් හේතුවෙන් එවැනි බොහෝ උත්සාහයන් අසාර්ථක වී ඇති බවයි.
අධික ඉල්ලුමක් සහ සුළු ලාභයක් ඇති අන්තර්ජාතික ගංජා වෙළඳපොල සැබෑ වර්ධනයක් නොපෙන්වන බව ද ඔහු පවසයි.
මේ සම්බන්ධයෙන් අදහස් දක්වමින් මීට පෙර අමාත්‍ය නලින්ද ජයතිස්ස ප්‍රකාශ කළේ, මෙම වගාව දැඩි ලෙස අපනයන අරමුණු සඳහා වන අතර ඒ සඳහා ආරක්ෂක විධිවිධාන ක්‍රියාත්මක කරන බවයි.
ගංජා ශාකයේ සියලුම කොටස් ප්‍රයෝජනයට ගෙන ආර්ථික ප්‍රතිලාභ ලබාගැනීම එහි අරමුණ බව ද ඔහු පැවසීය.
