පය ලිස්සා ගිය තම පෙම්වතා බේරා ගැනීමට උත්සාහ කරමින් සිටියදී, මහියංගනය වියානා ඇලට වැටී ජලයටතරුණියක් අතුරුදහන් වී තිබේ.

ඊයේ (20) සවස 5 ට පමණ මහියංගනය පොලිස් වසමට අයත් 17 කණුව ප්‍රදේශයේදී මෙම සිදුවීම සිදුවී ඇති බව පොලිසිය පවසයි.

මෙම යුවළ පටු ඇළ බැම්ම අසල රැඳීසිට ඇති අතර, එහිදී දැඩි ධාරාවක් හේතුවෙන් තරුණයා ලිස්සා ගොස් ජලයට වැටී ඇත.

ඔහුගේ පෙම්වතිය ඔහුව ජලයෙන් පිටතට ගැනීමට උත්සාහ කළ නමුත් ඇයද ඇළට වැටි ඇත.

මහියංගනය පොලිස් පුහුණු පාසලේ නිලධාරියකු සහ ඒ අසලින් ගමන් කරමින් සිටි ඔහුගේ බිරිඳ තරුණයා බේරා ගැනීමට සමත් විය.

කෙසේවෙතත්, තරුණිය ගසාගෙන ගොස් අතුරුදහන් වී ඇත.

සෝදිසි මෙහෙයුමක් දිගටම පවතී.