පාසල් සිසුවියන් තිදෙනෙකුට ලිංගික අතවර කිරීමට උත්සාහ කළ බවට ලැබුණු පැමිණිල්ලක් මත සිදුකළ විමර්ශනවලදී වටවල ප්‍රදේශයේ දෙමළ පාසලක විද්‍යා ගුරුවරයෙකු අද අත්අඩංගුවට ගෙන තිබේ.

පොලිසිය පැවසුවේ සැකකරු 10 වැනි ශ්‍රේණියේ පාසල් සිසුවියන් තිදෙනෙකුට ලිංගික සබඳතා සඳහා පොළඹවන කෙටි පණිවුඩ යවා ඇති බවට චෝදනා එල්ල වී ඇති බවයි.

කෙසේවෙතත්, ඔවුන් ඊට ප්‍රතිචාර නොදැක්වීමත් සමග ඔහු ඔවුන්ව පොළඹවා ගැනීමට ඔවුන්ගේ පුටු මත එවැනි පණිවිඩ ලියා ඇති බව පැවසේ.

44 හැවිරිදි මෙම ගුරුවරයා දරුවන් දෙදෙනෙකුගේ පියකු බව විමර්ශනවලදී අනාවරණ වී තිබේ.

ඔහු හැටන් මහේස්ත්‍රාත් අධිකරණයට ඉදිරිපත් කිරීමට නියමිතය.