දැනට වසා දමා තිබෙන යාපනයේ ප්‍රධාන මාර්ග ද යළි විවෘත කරන ලෙස හිටපු පාර්ලිමේන්තු මන්ත්‍රී අංගජන් රාමනාදන් ජනාධිපති අනුර කුමාර දිසානායකගෙන් ඉල්ලා තිබේ.

‘X’ සමාජ මාධ්‍ය වේදිකාවේ සටහනක් තබමින් රාමනාදන් ප්‍රකාශ කළේ, උතුරේ අධි ආරක්ෂිත කලාපයේ මාර්ග විවෘත කිරීම සහජීවනය සහ ප්‍රාදේශීය සංවර්ධනය ශක්තිමත් කරනු ඇති බවයි.

කොළඹ ප්‍රදේශයේ මෑත කාලීන මාර්ග විවෘත කිරීමට සමගාමීව යාපනයේ ප්‍රධාන මාර්ග නැවත විවෘත කරන ලෙස තමන් ජනාධිපති දිසානායකගෙන් ඉල්ලා සිටින බව ඔහු සඳහන් කර ඇත.

කොළඹ නගරයේ ප්‍රධාන මාර්ග මහජනතාවට විවෘත කරන ලෙස ජනාධිපතිවරයා නියෝග කිරීමෙන් අනතුරුව ඔහු මෙම ඉල්ලීම සිදුකර තිබේ.

ජනාධිපති මන්දිරය අසල පිහිටි ශ්‍රීමත් බාරොන් ජයතිලක මාවත සහ ජනාධිපති මාවත යළි විවෘත කරන ලෙස ජනාධිපතිවරයා පසුගියදා පොලිසියට උපදෙස් දී තිබිණි.