අඩක් නිල ඇඳුමින් සැරසුණු තැපැල් සේවකයකු ජනමාධ්‍ය අමතමින්, පවතින තැපැල් වර්ජනය සම්බන්ධයෙන් රජය අසත්‍ය තොරතුරු මගින් මහජනතාව නොමඟ යවන බවට චෝදනා කළේය.

අමාත්‍යවරයා සහ නිලධාරීන් “සේවකයින් රවටා මුළු රටටම බොරු කියන” අතර, ප්‍රමාණවත් වැටුප් සහ දීමනා ලබාදීමට බලධාරීන් අපොහොසත් වී ඇති බව ඔහු කියාසිටියේය.

රු. 600 ක වත්මන් දීමනාවෙන් නිල ඇඳුමක් මැසීමට හැකිද යන්න මෙම සේවකයා ප්‍රශ්න කළේය.

“නිල ඇඳුම් දීමනාව, බයිසිකල් දීමනාව සහ කොන්ත්‍රාත් සේවකයන් ස්ථිර කිරීම වැඩිකරන ලෙස අපි ඉල්ලා තිබෙනවා. ඒ වෙනුවට බලධාරීන් ඇඟිලි සලකුණු සහ අතිකාල ගැන කතාකරනවා” ඔහු පැවසීය.

නිල ඇඳුම් මැසීමට රු. 600 ක් සහ බයිසිකල් දීමනාවක් ලෙස රු. 250 ක් පමණක් ලබාදෙන බව හෙළිකරමින් ඔහු සඳහන් කළේ, මෙම මුදල් ප්‍රමාණවත් නොවන බවයි.

අඛණ්ඩ වැඩ වර්ජනය පිටුපස ඇති හේතු පිළිබඳව නිලධාරීන් වැරදි තොරතුරු පතුරුවන බවට ඔහු තවදුරටත් චෝදනා කළේය.

ප්‍රධාන ඉල්ලීම් 19ක් සමඟ ඉරිදා (17) ආරම්භ කරන ලද වැඩවර්ජනය ඊයේ ජනාධිපති ලේකම් කාර්යාලයේ පැවති සාකච්ඡාවකින් පසුවද අඛණ්ඩව ක්‍රියාත්මක වේ.

තැපැල් වෘත්තීය සමිති විසින් වෘත්තීය ක්‍රියාමාර්ගය අඛණ්ඩව සිදුකරන බව පවසා තිබේ.