රථ වාහන දඩ මුදල් ගෙවීම සඳහා බස්නාහිර පළාත තුළ තැපැල් කාර්යාල කිහිපයක් පැය 24 පුරා විවෘතව තබන බව නියෝජ්‍ය තැපැල්පතිවරයා පොලිස් රථවාහන හා මාර්ග ආරක්‍ෂක කොට්ඨාසයට දැනුම්දුන් බව පොලිස් මාධ්‍ය කොට්ඨාසය පවසයි.

පොලිසිය නිකුත් කරන දඩ මුදල් ගෙවීම සහ අනෙකුත් තැපැල් කටයුතු සඳහා මෙම තීරණය ගෙන ඇති බව වාර්තා වේ.

ඒ අනුව බොරැල්ල, වැල්ලවත්ත, හැව්ලොක් ටවුන්, දෙහිවල, මොරටුව, පානදුර, කළුතර, කොටහේන, කොම්පඤ්ඤවීදිය, බත්තරමුල්ල, ගල්කිස්ස, නුගේගොඩ සහ සීතාවකපුර තැපැල් කාර්යාල පැය 24 පුරා විවෘතව පවතිනු ඇත.