රට තුළ ශක්ති­මත් ආර්ථි­ක­යක් නොමැති නම් ණය ගෙවී­මේදී ගැටලු ඇති­වන බව එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවි කරු­ණා­නා­යක පාර්ලි­මේ­න්තුවේ දී ප්‍රකාශ කළේය.

“අපි ලබා­ගෙන තිබෙන ණය නැවත ගෙවිය හැකි ආකා­රය සොයාබැලිය යුතුයි. රජයේ ආය­තන ඒ සම්බ­න්ධ­යෙන් සොයා බැලිය යුතු වෙනවා. අපේ රට බංකො­ලොත්වීම හේතු­වෙන් ආර්ථි­කය කඩා­වැ­ටු­ණත් මේ පිළි­බ­දව ආණ්ඩුව ක්‍රියා­මාර්ග ගත­යුතු වෙනවා. දේශීය ණය ගන්න­වාට වඩා විදෙස් ණය ලබා­ගෙන අධි­වේගී මාර්ගය ඉදි­ක­රන්න අව­ශ්‍යයි කියා ජනා­ධි­ප­ති­ව­රයා ප්‍රකාශ කළා. ණය ගත් පසුව එය ගෙවන්න පුළු­වන් තත්ත්වය සොයා බැලියයුතු වෙනවා.

2028 වසරේ අප්‍රේල් සිට රජය විසින් ණය ගෙවිය යුතු වෙනවා. ඒ සඳහා හොඳ ආර්ථි­ක­යක් තිබිය යුතුයි. රුපි­යල් බිලි­යන 1,410ක මුද­ලක් මේ වන­විට අච්චු ගසා තිබෙ­නවා” යැයි ද ඔහු පැව­සීය.

රජයකට මුදල් මුද්‍රණය කිරීම අත්‍යවශ්‍ය වුව ද එය කළ යුත්තේ වත්කමක් සමග බවත්, ඒ සම්බන්ධයෙන් ප්‍රශ්න කළ විට රජය මුදල් මුද්‍රණය කළේ නැතැයි පවසන බවත්, එය එසේ නොව රජය මුදල් මුද්‍රණය කර ඇතැයි පාර්මේන්තු මන්ත්‍රී රවි කරුණානායක පැවසීය.

ඔහු මෙම අදහස් පළ කළේ රජය මුදල් මුද්‍රණය කළ බව හෙළිදරව් වූ පසු ඒ සම්බන්ධයෙන් පාර්මේන්තුවේ පැවති විවාදයේ දී ය.

මේ සම්බන්ධයෙන් වැඩි දුරටත් කරුණු ඉදිරිපත් කළ මන්ත්‍රිවරයා, මේ රජය 2024 වසරේ ඔක්තෝබර් මාසයේ සිට 2025 වසරේ අගෝස්තු දක්වා මුද්‍රණය කර ඇති මුදල් ප්‍රමාණය පාර්ලිමේන්තුවට හමුවට ඉදිරිපත් කළේ ය; ඒ, මතු දැක්වෙන පරිදි ය.

මුදල් මුද්‍රණය කර ඇති ආකාරය රුපියල් බිලියනවලින් පහත පරිදි වේ;

2024
ඔක්තෝබර් 58.70
නොවැම්බර් 78.30
දෙසැම්බර් 234.80

2025
ජනවාරි 117.40
පෙබරවාරි 104.70
මාර්තු 233.90
අප්‍රේල් 154.20
මැයි 33.60
ජුනි 210.30
ජූලි 151
අගෝස්තු 51

මුද්‍රණය කරන ලද සමස්ත මුදල් ප්‍රමාණය රු.මිලියන 1,427.9

ණය ඉහළ ගොස් ඇති ප්‍රමාණය රු.ට්‍රිලියන 1050