පාර්ලිමේන්තු මන්ත්‍රී අර්චුනා රාමනාදන් විසින් පාර්ලිමේන්තු මන්ත්‍රීවරුන් සඳහා ඇඟිලි සලකුණු මත පදනම් වූ පැමිණීම සටහන් කිරීමේ ක්‍රමයක් ක්‍රියාත්මක කිරීමට යෝජනා කර ඇත. ඔහු පෙන්වාදෙන්නේ, සැසිවාරවලට පාර්ලිමේන්තු මන්ත්‍රීවරුන්ගේ පැමිණීම දුර්වල බවයි.

“ඇඟිලි සලකුණු අවශ්‍යයි, අපි පාර්ලිමේන්තුවෙන් පටන් ගනිමු. අද මෙතන මන්ත්‍රීවරු කී දෙනෙක් ඉන්නවද කියල බලන්න. අපි රුපියල් 350,000 ක මුළු වැටුපක් ගන්නවා. සමහර මන්ත්‍රීවරුන් සැසිවාර 66 න් 25 කට තමයි සහභාගී වෙලා තියෙන්නේ.” රාමනාදන් මන්ත්‍රීවරයා පැවසුවේ පාර්ලිමේන්තු සැසි පැවැත්වීම සඳහා රුපියල් මිලියන ගණනක් වැයවන නමුත් මන්ත්‍රීවරුන් ඒවාට සහභාගී වී නොමැති බවයි.

නීතිය සැමට සමානව අදාළ විය යුතු බවත්, වෛද්‍ය ක්ෂේත්‍රය, පොලිසිය සහ නීති අංශය ඇතුළු වෘත්තීන් පුරා අනිවාර්ය ඇඟිලි සලකුණු නිතිය ක්‍රියාත්මක කරන ලෙසත් මන්ත්‍රීවරයා ඉල්ලා සිටියේය.

“නීති සැමට සමාන විය යුතුයි. විනිසුරුවරුන්ට අදාළ නීතිය නීතිඥයින්ට ද අදාළ විය යුතුයි. රෝහල් අධ්‍යක්ෂවරයෙකුට අදාළ වන නීතිය සුළු කාර්ය මණ්ඩලයට ද අදාළ විය යුතුයි,” ඔහු පැවසුවේ සියලුම වෘත්තීන් සඳහා අනිවාර්ය ඇඟිලි සලකුණු නිතිය ක්‍රියාත්මක කරන ලෙස රජයට අභියෝග කරමිනි.