යාපනයේ චෙම්මනි සමූහ මිනී වළේ කැණීම්වලදී පුද්ගලයන් 90 දෙනෙකුට පමණ අයත් ඇටසැකිලි කොටස් සොයාගෙන ඇති බව විමර්ශනය සිදුකරන නිලධාරීන් ප්‍රකාශ කර තිබේ.

යාපනය මහේස්ත්‍රාත් අධිකරණ නියෝගයක් යටතේ ජූලි 21 වැනි දින ආරම්භ වූ මෙම අදියරේ කැණීම් අගෝස්තු 4 වැනි දින දක්වා සිදුකෙරේ.

කැණීම්වල පස්වැනි දිනය සනිටුහන් වූ ජූලි 25 වැනිදා තවත් පුද්ගලයන් 25 දෙනෙකුගේ ඇටසැකිලි සොයාගෙන ඇති බව නිලධාරීන් තහවුරු කර තිබිණි.

ඒ අනුව මුළු ඇටසැකිලි සංඛ්‍යාව 90 දක්වා ඉහළ ගොස් තිබේ.

අස්ථි කොටස් අසල තිබී සොයාගත් භාණ්ඩ අතර දරුවකුගේ කිරි බෝතලයක්, ඇඳුම් කැබලි, රබර් බෝනික්කකු, සපත්තු යුගලක්, වළලු සහ තුවක්කු බැරලයක කොටසක් ඇතුළත් වේ.

චෙම්මනි සමූහ මිනී වළවල දිගු කලක් තිස්සේ මානව හිමිකම් කණ්ඩායම්වල අවධානයට ලක්වූ ස්ථානයකි.