July 22, 2025
2014 දී කැරම් බෝඩ් සහ දාම් ලෑලි ආනයනය කිරීම සම්බන්ධයෙන් නීතිපතිවරයා විසින් තමාට එරෙහිව අධිචෝදනා ගොනු කිරීමට ගත් තීරණය අභියෝගයට ලක් කරමින් ශ්රී ලංකා යුද හමුදාවේ හිටපු මාණ්ඩලික ප්රධානී විශ්රාමිකමේජර් ජෙනරාල් නන්ද මල්ලවාරච්චි අභියාචනාධිකරණය හමුවේ රිට් පෙත්සමක් ගොනු කර තිබේ.
ක්රීඩා අමාත්යාංශයේ ලේකම් ලෙස ඔහු සේවය කළ කාලය තුළ මෙම ආනයනය සිදු කර තිබිණි.
අල්ලස් කොමිසම විසින් ගොනු කරන ලද නඩුවක පැමිණිල්ලේ සාක්ෂිකරුවකු ලෙස ඔහු මීට පෙර කටයුතු කිරීම සැළකිල්ලට ගෙන චෝදනා අසාධාරණ බවට තර්ක කරමින්, කොළඹ මහාධිකරණය හමුවේ ඔහුට එරෙහිව ගොනු කර ඇති අධිචෝදනා ක්රියාත්මක කිරීම තහනම් කරන නියෝගයක් ඉල්ලා සිටින බව පෙත්සම්කරු පවසයි.
මල්ලවාරච්චි තර්ක කරන්නේ තමා බලධාරීන් සමඟ සම්පූර්ණයෙන්ම සහයෝගයෙන් කටයුතු කර ඇති බවත්, දැන් එම සිද්ධියට අදාළ දෙවැනි නඩුවකදී, නීතිපතිවරයා විසින් තමාට එරෙහිව අධිචෝදනා ගොනු කර ඇති බවත්ය.
නීතිපති දෙපාර්තමේන්තුව සහ අල්ලස් කොමිසම ස්වාධීන ආයතන දෙකක් වුවද, දෙකම රාජ්යය නියෝජනය කරන බවත්, ඔවුන්ගේ ක්රියාවන් නීතිමය අනුකූලතාව සහ සාධාරණත්වයට ගරු කරමින් සම්බන්ධීකරණය විය යුතු බවත් ඔහු සඳහන් කරයි.
ප්රධාන සාක්ෂිකරුවකු ලෙස සිය සහයෝගී හැසිරීම සහ පෙර නඩුවේ එකම පදනම, අධිචෝදනා පත්රය නැවත සළකා බැලීමට නීතිපතිවරයාට අවශ්ය බව ඔහු තවදුරටත් ප්රකාශ කළේය.
මෙම නඩුව අභියාචනාධිකරණයේ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දු යන ද්වි පුද්ගල විනිසුරු විනිසුරු මඩුල්ලක් ඉදිරියේ කැඳවන ලදී.
පෙත්සම ජූලි 28 වැනි දිනට නියම කර ඇත.
