July 22, 2025
සමගි ජන බලවේගයේ නායක සහ විපක්ෂ නායක සජිත් ප්රේමදාස වෙනුවට වෙනත් අයෙකු ආදේශ කිරීමට සැලසුම් ඇති බවට පැතිර යන තොරතුරු එම පක්ෂය ප්රතික්ෂේප කර තිබේ.
වත්මන් දේශපාලන පරිසරය තුළ සමගි ජන බලවේගයේ සහ විපක්ෂ නායක ප්රේමදාසගේ භූමිකාවන් හෑල්ලුවට ලක් නොකළ යුතු බව සමගි ජන බලවේගයේ කොළඹ දිස්ත්රික් සංවිධායක චරිත් අබේසිංහ පැවසීය.
ඊයේ (21) මාධ්ය අමතමින් ඔහු මෙම අදහස් ප්රකාශ කළේය.
ප්රධාන විපක්ෂයේ භූමිකාව තීරණාත්මක වී ඇති අවස්ථාවක එවැනි වැරදි තොරතුරු පැතිරවීමේ අරමුණ අර්බුදයක් ඇති කිරීම බව ඔහු සඳහන් කළේය.
සමගි ජන බලවේගය සහ විපක්ෂ නායක ප්රේමදාස හුදෙක් ප්රතිවාදීන් ලෙස නොව ප්රජාතන්ත්රවාදයේ සහ රජයේ ප්රශංසනීය ක්රියාවන්ගේ ආධාරකරුවන් ලෙස සැළකිව යුතු බව ද ඔහු පැවසීය.
“පාර්ලිමේන්තුව තුළ විපක්ෂ නායකවරයාගේ භූමිකාව ඉටු කිරීම තුළින් බොහෝ දේ සාක්ෂාත් කර ගෙන තිබෙනවා. කෙසේවෙතත්, පාර්ලිමේන්තුව තුළ විපක්ෂ නායකවරයා පාලනය කිරීමට රජය පියවර ගනිමින් සිටිනවා. ඒ සමඟම, පාර්ලිමේන්තුවෙන් පිටත විපක්ෂ නායකවරයාගේ ක්රියාකාරකම් විවේචනාත්මක ස්වරයකින් සාකච්ඡා කෙරෙන බව පෙනෙනවා” යනුවෙන් ඔහු පැවසීය.
සමගි ජන බලවේගය තුළ සිටින කණ්ඩායමක් පක්ෂය තුළ ගැටලු ඇති කිරීමට කුමන්ත්රණය කරන බවට එල්ල වන චෝදනා ද ඔහු ප්රතික්ෂේප කළේය.
