July 16, 2025
තිඹිරිගස්යායේ පිහිටි පොලිස් ක්ෂේත්ර බලකා මූලස්ථානයේ නවීකරණය කරන ලද රූපලාවන්යාගාරය වැඩබලන පොලිස්පති ප්රියන්ත වීරසූරියගේ ප්රධානත්වයෙන් නිල වශයෙන් විවෘත කර තිබේ.
පොලිස් සේවා වනිතා ඒකකය විසින් ආරම්භ කරන ලද මෙම රූපලාවණ්යාගාරය පොලිස් නිලධාරීන්ට, ඔවුන්ගේ පවුල්වලට සහ බාහිර පාර්ශ්වයන්ට දැරිය හැකි මිලකට රූපලාවන්ය සේවා සැපයීම අරමුණු කරගෙන පවත්වා ගෙන යන බව පොලිසිය පවසයි.
මෙම පහසුකම මගින් සහනදායී මිල ගණන් යටතේ සේවාවන් සපයන අතර, පොලිස් නිලධාරීන්ට සහ ඔවුන්ගේ පවුලේ සාමාජිකයන්ට මංගල සත්කාර සහ රූපලාවන්ය සත්කාර සඳහා ප්රවේශ වීමට අවස්ථා නිර්මාණය කරයි.
පොලිස් නිලධාරීන්ගේ පවුල්වල රූපලාවන්ය කටයුතු සම්බන්ධයෙන් පළපුරුද්දක් පවතින සාමාජිකයන්ට මෙම රූපලාවන්යාගාරයේ සේවා සැපයීමට අවස්ථාව සැලසීම මෙම වැඩසටහනේ විශේෂත්වයකි.
පොලිස් ප්රජාවගේ සුබසාධනයට දායකවන අතරම පොලිස් පවුල්වලට ආර්ථික වශයෙන් ප්රතිලාභ ලබාගැනීමට හැකි වන පරිදි රට පුරා මේ හා සමාන සේවා මධ්යස්ථාන පිහිටුවීමට සැලසුම් කර ඇත.
