ශ්‍රී ලංකා රේගුව හරහා නීත්‍යානුකූලව නිෂ්කාශනය නොකළ මෝටර් රථයක් නීතිවිරෝධී ලෙස ලියාපදිංචි කිරීමේ සිද්ධියක් සම්බන්ධයෙන් අත්අඩංගුවට ගත් පුද්ගලයකු ජූලි 8 වැනි දින දක්වා රක්ෂිත බන්ධනාගාරගත කර ඇත.

සැකකරු මෝටර් රථ ප්‍රවාහන දෙපාර්තමේන්තුවට ව්‍යාජ ලියකියවිලි ඉදිරිපත් කර වාහනය වංචනික ලෙස ලියාපදිංචි කර ආදායම් බලපත්‍රයක් ලබාගත් බවට චෝදනා එල්ල වේ.

අල්ලස් හෝ දූෂණ චෝදනා විමර්ශන කොමිසම විසින් අත්අඩංගුවට ගත් සැකකරු කොළඹ ප්‍රධාන මහේස්ත්‍රාත් තනුජා ලක්මාලි වෙත ඉදිරිපත් කරන ලදී.

සිද්ධිය සම්බන්ධයෙන් තවමත් විමර්ශන සිදුවෙමින් පවතින අතර, නඩුව සම්බන්ධයෙන් තවත් සැකකරුවන් කිහිපදෙනෙකු අත්අඩංගුවට ගැනීමට අපේක්ෂා කරන බව අල්ලස් කොමිසමේ නිලධාරීහු ප්‍රකාශ කළහ.

ඒ අනුව, සැකකරු ඇප මත මුදාහැරියහොත් සාක්ෂිකරුවන්ට බලපෑම් කළ හැකි බවට ඇති හැකියාව සඳහන් කරමින් ඔහු රක්ෂිත බන්ධනාගාරගත කරන ලෙස අල්ලස් කොමිසම අධිකරණයෙන් ඉල්ලා සිටියේය.

සැකකරු වෙනුවෙන් පෙනීසිටි විත්තියේ නීතිඥවරයා අධිකරණයට කියාසිටියේ තම සේවාදායකයා සිවිල් පුරවැසියෙකු බවත්, දූෂණ විරෝධී පනත යටතේ ඔහු අත්අඩංගුවට ගැනීමට අල්ලස් කොමිසමට නීතිමය බලයක් නොමැති බවත්ය.

එබැවින්, සැකකරු ඇප මත මුදාහරින ලෙස විත්තිකරු ඉල්ලා සිටියේය.

දෙපාර්ශවයේම කරුණු සළකා බැලීමෙන් පසු, මහේස්ත්‍රාත්වරිය සැකකරු ජූලි 8 වැනි දින දක්වා රක්ෂිත බන්ධනාගාරගත කිරීමට නියෝග කර ඇත.