July 3, 2025
කොළඹ වටා පියාසර කළ ගුවන් යානයට සහය දුන් අයට එරෙහිව පරීක්ෂණයක් අත ළඟ බව නාමල් අනතුරු අඟවයි
ශ්‍රී ලන්කන් ගුවන් සේවයට අලුතින් බදුගත් ගුවන් යානය කොළඹ වටා පියාසර කිරීමෙන් ගුවන් පෙළපාළියක් පැවැත්වීමට පහසුකම් සැලසූ පිරිසට අනාගතයේදී ප්‍රශ්න කිරීම්වලට මුහුණදීමට සිදුවන බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ පවසයි.
අවුරුදු 10ක් පැරණි ගුවන් යානය කොළඹ වටා තුන්වරක් පියාසර කිරීමට වියදම් කිරීමට අවසර දුන් අයට අනාගතයේ ප්‍රශ්නවලට පිළිතුරු දීමට සිදුවනු ඇතැයි ඔහු සඳහන් කර තිබේ.
තම පවුල සම්බන්ධයෙන් ක්‍රියාත්මක සියලු පරීක්ෂණ සඳහා සිය සහයෝගය ලබාදෙන බවත්, ඔහුගේ පවුලේ අය කිසිදු වරදක් සිදුකර නොමැති බවත් ජනමාධ්‍ය වෙත අදහස් පළකරමින් ඔහු පවසා ඇත.
ගෝලීය ඉන්ධන මිල අඩු වී ඇති අවස්ථාවක ඉන්ධන මිල ඉහළ යාම පිළිබඳව තවදුරටත් අදහස් දක්වමින් ඔහු පවසා ඇත්තේ, දැන් කොමිස් මුදල්වලින් ප්‍රතිලාභ ලබන්නේ කවුරුන්ද යන්න හෙළිකළ යුතුව ඇති බවයි.
