බාලවයස්කාර දැරියක් දූෂණය කිරීමේ චෝදනාවට ලක්ව සිටි විත්තිකරුවකු ගාල්ල මහාධිකරණ විනිසුරු පූර්ණිමා පරණගම විසින් නිදොස් කොට නිදහස් කර ඇත.

විත්තිකරු සහ වින්දිතයා විවාහක බවත් ඔවුන් දරුවකුගේ මාපියන් බවත් විත්තිකරු අධිකරණයට දැනුම්දී ඇති අතර, ඉන් පසුව මෙම නිදහස් කිරීම සිදුව තිබේ.

2020 දී සිද්ධිය වන විට දැරියට වයස අවුරුදු 14 ක් වී ඇති අතර විත්තිකරුට වයස අවුරුදු 17 ක් වී ඇති අතර, නෙළුව පොලිසිය නීතිමය පියවර ගෙන තිබේ.

තම දරුවා සමඟ තරුණ කාන්තාව විනිසුරුවරයා ඉදිරියේ පෙනී සිටි අතර දරුවා අඬන්නට පටන් ගත් විට ඇය දරුවාව අධිකරණයේ සිටි ඥාතියකුට භාර දී ප්‍රකාශයක් කර තිබේ.

අනතුරුව විත්තිකරුවන් ඔවුන්ගේ විවාහ සහතිකය අධිකරණයට ඉදිරිපත් කර ඇත.

රජයේ නීතිඥ මාධවී ද සිල්වා රජය වෙනුවෙන් කරුණු ඉදිරිපත් කර තිබේ.