July 2, 2025
ප්රකාශයක් ලබා ගැනීම සඳහා අල්ලස් කොමිසමෙන් තමාට කැඳවීමක් ලැබී ඇති බව ජාතික නිදහස් පෙරමුණේ නායක විමල් වීරවංශ පවසයි.
නිවාස හා ඉදිකිරීම් අමාත්යවරයා ලෙස ධූරය දැරූ කාලය තුළදී ඇතැම් වෙළඳසැල් විකිණීම සම්බන්ධයෙන් විමර්ශන සිදුවෙමින් පවතින බව ජනමාධ්ය ඔස්සේ අදහස් දක්වමින් ඔහු පැවැසීය.
“මට අල්ලස් කොමිසමට වාර්තා කිරීම සඳහා දිනයක් ලබා දී තිබෙනවා. අධිකරණයේ පවතින නඩුවක් හේතුවෙන් එම දිනයට වාර්තා කිරීමට නොහැකි බව මම ලිපියක් මගින් ඔවුන්ට දැනුම්දුන්නා.”
කෙසේවෙතත්, එම ලිපිය ඔවුන්ට ලැබීමට පෙර, ප්රකාශයක් සටහන් කරගැනීම සඳහා නව දිනයක් ප්රකාශයට පත්කරන බව සඳහන් කරමින් තවත් ලිපියක් නිකුත් කළ ඔහු පවසයි.
තමා හට ලබා දුන් පෙර සිරදඬුවම අතරතුර පොත් දෙකක් ද, සිතුවම් පහක් ද නිර්මාණය කර ඇති අතර, සිතුවම් තුනක් සම්පූර්ණ කර ඇති අතර, නැවත සිරගත වුවහොත් සිය කාලය ඒ ආකාරයෙන්ම හොඳින් භාවිත කරනු ඇතැයි ඔහු තවදුරටත් පැවසීය.
