July 1, 2025
විදේශ රැකියා ලබාදෙන බව පවසමින් යූ ටියුබ්, ෆේස්බුක් වැනි සමාජ මාධ්ය වේදිකා හරහා සිදුකරන වංචාවක් පිළිබඳ තොරතුරු අනාවරණය වේ.
ඩුබායි හි සේවය කරන පුද්ගලයකු මෙම වංචාව පිටුපස සිටින බවත්, ඔහු ශ්රී ලාංකිකයන්ට ඩුබායි හි රැකියා ලබාදෙන බව ප්රකාශ කර ඇතැයි වාර්තා පවසයි.
මෙම වංචාවට ඩුබායි හි ශ්රී ලාංකික සේවකයන්ගෙන් වීඩියෝ ප්රකාශ එකතු කිරීම සිදුවේ. පසුව වංචාකරු හරහා ඔවුන්ට රැකියා ලැබුණු බවට වංක ලෙස එම වීඩියෝ සංස්කරණය කොට වැඩි පිරිසක් ආකර්ෂණය කරගැනීම සඳහා මෙම ව්යාජ වීඩියෝ සමාජ මාධ්යවල පළකරනු ලැබේ.
ශ්රී ලංකා විදේශ සේවා නියුක්ති කාර්යාංශයේ හි විශේෂ විමර්ශන ඒකකය විසින් මෙම වංචාව පිළිබඳව සොයාබලන අතර, වංචාවෙන් මුදල් අහිමි වූ වින්දිතයන් කිහිපදෙනකු දැනටමත් කාර්යාංශයට පැමිණිලි කිරීම හේතුවෙන් ඒ පිළිබඳව අධිකරණයට වාර්තා කර ඇත.
මේ පිළිබඳව පරීක්ෂණ දිගටම සිදුවේ.
විදේශ රැකියා සඳහා බලපත්රලාභී නියෝජිතයන්ට පමණක් මුදල් එකතු කිරීමට අවසර ඇති බව ශ්රී ලංකා විදේශ සේවා නියුක්ති කාර්යාංශය මහජනතාවට සිහිගන්වයි.
රැකියා දැන්වීම් සඳහා කාර්යාංශයෙන් විශේෂ අවසරයක් අවශ්ය වන අතර, නිසි අනුමැතියකින් තොරව කිසිවකු මුදල් ලබාගන්නේ නම් හෝ විදේශ රැකියා ප්රචාරය කරන්නේ නම්, එය කාර්යාංශ පනත යටතේ දඬුවම් ලැබිය හැකි වරදක් වේ.
සමාජ මාධ්යවල එවැනි නොමඟ යවන දැන්වීම් විශ්වාස නොකරන ලෙස ශ්රී ලංකා විදේශ සේවා නියුක්ති කාර්යාංශය මහජනතාවගෙන් ඉල්ලා සිටියි. එවැනි වංචා පිළිබඳ ලද ඕනෑම තොරතුරක් 1989 අංකයට හෝ 0112864123 අංකයට විශේෂ විමර්ශන අංශයට දැනුම් දෙන ලෙස ජනතාවගෙන් ඉල්ලයි.
