දිල්ලියේ වායු දූෂණය අවම කිරීම අරමුණු කර ගනිමින් ප්‍රථම වරට කෘත්‍රිම වැසි ඇති කිරීමට සැලසුම් කර තිබේ.

ඒ අනුව කාලගුණික තත්ත්වයන්ට යටත්ව ජූලි 4 සිට 11 දක්වා වලාකුළු බීජ වැපිරීම සැලසුම් කර ඇති බව දිල්ලි පරිසර අමාත්‍ය මන්ජින්දර් සිං සිර්සා පැවසීය.

බීජ වැපිරීමේ මෙහෙයුම සඳහා ගුවන් ගමන් සැලැස්ම තාක්ෂණික සම්බන්ධීකරණය සඳහා ඉන්දීය තාක්ෂණ ආයතනය විසින් ඉන්දීය කාලගුණ විද්‍යා දෙපාර්තමේන්තුව වෙත ඉදිරිපත් කර ඇති බව සිර්සා පැවසීය.

“ජූලි 3 වැනි දින දක්වා වලාකුළු බීජ වැපිරීම සඳහා සුදුසු නැහැ, නමුත් ජූලි 4 සහ 11 අතර ගුවන් ගමන් කවුළුවක් යෝජනා කර තිබෙනවා,” සිර්සා පැවසීය.

“මෙම මුලපිරීම නාගරික දූෂණ පාලනයේ ඓතිහාසික පියවරක් සනිටුහන් කරනවා. ප්‍රධාන අමාත්‍ය රේඛා ගුප්තාගේ නායකත්වය යටතේ පරිසර දෙපාර්තමේන්තුව විසින් එය පළමු වරට සිදු කරන්න නියමිතයි,” සිර්සා පැවසීය.

“අපගේ අරමුණ දිල්ලි වැසියන්ට පිරිසිදු වාතය ලබා දීමයි,” යනුවෙන් ඔහු අවධාරණය කළේය.

එය සෑම පදිංචිකරුවකුගේම මූලික අයිතියක් බවත්, එය සාක්ෂාත් කර ගැනීම සඳහා රජය හැකි සෑම විසඳුමක්ම ගවේෂණය කරන බවත් ඔහු සඳහන් කළේය.

“ඒ නිසා අපි කෘත්‍රිම වැසි වැසීමේ මෙම නිර්භීත පියවර තබනවා. එය අර්ථවත් වෙනසක් ගෙන එනු ඇතැයි අපි බලාපොරොත්තු වෙනවා,” ඔහු තවදුරටත් පැවසීය.

‘දිල්ලියේ වායු දූෂණය අවම කිරීම සඳහා විකල්පයක් ලෙස වලාකුළු බීජ වැපිරීම පිළිබඳ තාක්ෂණික නිරූපණය සහ ඇගයීම’ යන මාතෘකාව යටතේ ක්‍රියාත්මක වන මෙම ව්‍යාපෘතියට වයඹදිග සහ පිටත දිල්ලියේ අඩු ආරක්ෂිත ගුවන් කලාප හරහා ගුවන් ගමන් පහක් ඇතුළත් වේ.

මිනිත්තු 90ක් පමණ පවතින සෑම ගුවන් ගමනක්ම වර්ග කිලෝමීටර් 100ක් පමණ ආවරණය කරයි.

ඉන්දීය තාක්ෂණ ආයතනය විසින් සංවර්ධනය කරන ලද සූත්‍රයට රිදී අයඩයිඩ් නැනෝ අංශු, අයඩීකෘත ලුණු සහ පාෂාණ ලුණු ඇතුළත් වන අතර එය තෙතමනය බහුල වලාකුළුවල ජල බිඳිති සෑදීම වේගවත් කිරීමෙන් කෘත්‍රිම වැසි උත්ප්‍රේරණය කිරීමට නිර්මාණය කර ඇත.