මිද්දෙනිය තෝරයාය ප්‍රදේශයෙන් වෙඩිතබා ඝාතනය කළ තරුණයන් දෙදෙනකුගේ මළසිරුරු අද (25) උදෑසන සොයාගෙන තිබේ.

මියගිය තරුණයන් අවුරුදු 25 සහ 30 වයස්වල පසුවන්නන් වන අතර, අද උදෑසන ඔවුන් වෙඩි තබාඝාතනය කර ඇති බවට පොලීසිය සැක පළකරයි.

අපරාධය සිදු වූ ස්ථානයට ආසන්නයේ පිස්තෝලයකට භාවිත කරන උණ්ඩ 5 ක් සහ මියගිය අයට අයත් යතුරුපැදි දෙකක් සොයාගත් බව පොලිසිය පැවැසීය.

ඝාතනයට හේතුව මෙතෙක් අනාවරණය වී නොමැත.

මිද්දෙනිය පොලිසිය සමඟ එක්ව පොලිස් කණ්ඩායම් තුනක් සිද්ධිය සම්බන්ධයෙන් පරීක්ෂණ පවත්වයි.