June 25, 2025
විදේශීය සිසුන්ට හාවඩ් විශ්ව විද්‍යාලයේ අධ්‍යාපනය ලැබීම තහනම් කිරීමින් අමෙරිකානු ජනාධිපති ඩොනල්ඩ් ට්‍රම්ප් පැනවූ තහනම එරට ෆෙඩරල් විනිසුරුවරයෙකු විසින් දෙවන වරටත් අවහිර කර තිබේ.
විදෙස් ජනමාධ්‍ය වාර්තා කළේ බොස්ටන්හි ෆෙඩරල් විනිසුරුවරයෙකු හාවඩ් විශ්ව විද්‍යාලයට ජාත්‍යන්තර සිසුන් ඇතුළත් කර ගැනීම තහනම් කිරීමට ට්‍රම්ප් පරිපාලනය දැරූ උත්සාහය එම විනිසුරුවරයා ප්‍රතික්ෂේප කරමින් ජනාධිපතිවරයාගේ විධායක නියෝගය අවහිර කර ඇති බවයි.
ජනාධිපති ට්‍රම්ප් ජාතික ආරක්ෂාව වෙනුවෙන් පවතින නීතියක් භාවිතා කරමින් එම විශ්ව විද්‍යාලයට ඇතුළත් වීම විදෙස් සිසුන්ට තහනම් කිරීමට උත්සාහ කර තිබුණි.
ප්‍රබල වචන සහිත තීන්දුවක් දී, විනිසුරු ඇලිසන් ඩී. බරෝස් හාවඩ් වෙනුවෙන් පෙනී සිටිමින් පැවසුවේ එවැනි ජනාධිපති බලය ජාත්‍යන්තර සිසුන්ට නොව විදේශීය සතුරන්ට එරෙහිව භාවිතා කිරීමට සුදුසු බවයි.
මෙම විනිසුරුවරියගේ නියෝගය මගින් ජනාධිපතිවරයාගේ නියෝගය ක්‍රියාත්මක වීම තාවකාලිකව නතර කරයි.
සිය තීන්දුවේ දී විනිසුරු බරෝස් සඳහන් කළේ අවදානමට ලක්ව ඇති ගැටළු වලදී මූලික ව්‍යවස්ථාපිත අයිතිවාසිකම්, සිතීමේ නිදහස, ප්‍රකාශනයේ නිදහස සහ භාෂණයේ නිදහස පිළිබඳ සලකා බැලිය යුතු බවයි.
