පොළොන්නරුව ප්‍රදේශයේ වනජීවී අභයභූමියක් තුළ කැස්බෑවන් දහතුන් දෙනකු මරා පරිභෝජනයට සූදානම් කිරීම සම්බන්ධයෙන් කාන්තාවන් තිදෙනකු අත්අඩංගුවට ගත් බව පොළොන්නරුව වනජීවී සංරක්ෂණ නිලධාරීවරයා පැවැසීය.

වනජීවී නිලධාරීන් විසින් අද (24) දින පස්වරුවේ සිදුකරන ලද වැටළීමකදී සැකකාරියන් අත්අඩංගුවට ගෙන ඇති අතර, කැස්බෑ මස්, පාද සහ බිත්තර තොගයක් ද එම ස්ථානයේ තිබී ඔවුන් භාරයට ගෙන ඇත.

සැකකාරියන් පුත්තලම සහ මන්නාරම පදිංචිකාරියන් ලෙස හඳුනාගෙන ඇති අතර, ඔවුන් ප්‍රදේශයේ වෙළෙන්දියන් ලෙස කටයුතු කරන බව පොළොන්නරුව වනජීවී සංරක්ෂණ නිලධාරී ආර්. ආර්. ශාන්ත ජනමාධ්‍ය වෙත පවසා ඇත.

මෙම කාන්තාවන් තමන්කඩුව, කණුව ප්‍රදේශයේ පෞද්ගලික නවාතැනක නවාතැන් ගෙන සිටි බවත්, අභයභූමිය තුළ ඇති විහාරස්ථානයකදී ආහාර සඳහා එම කැස්බෑවන් සකස් කිරීමේදී අත්අඩංගුවට ගත් බවත් විමර්ශනයේදී හෙළි වී ඇත.

අත්අඩංගුවට ගත් සැකකාරියන් අද (24) දින පොළොන්නරුව මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.

මෙම ෆ්ලැප්ෂෙල් කැස්බෑවන් දේශීය සංරක්ෂණ නීති යටතේ ආරක්ෂිත විශේෂයක් වන බැවින්, මෙම සිද්ධිය ශ්‍රී ලංකාවේ වනජීවී හා වෘක්ෂලතා ආරක්ෂණ ආඥා පනත බරපතල ලෙස උල්ලංඝනය කිරීමක් බව සඳහන් වේ.