යාපනය පොලිස් කොට්ඨාශයට අයත් පන්නයි ප්‍රදේශයේ හෝටලයක සේවා සෝපානයකින් වැටී 19 හැවිරිදි තරුණයකු මියගොස් තිබේ.

ජුනි 21 වැනි දින රාත්‍රියේ මෙම සිද්ධිය සිදුවී ඇති බව පොලිසිය පවසයි.

මියගිය පුද්ගලයා යාපනයේ නිර්වේලි හි පදිංචිකරුවකු ලෙස හඳුනාගෙන තිබේ.

විමර්ශනවලින් හෙළිවී ඇත්තේ තරුණයා හෝටලයේ සේවය කළ බවත්, භාණ්ඩ ප්‍රවාහනය සඳහා අදාළ සේවා සෝපානය භාවිත කර ඇති බවත්ය.

මෙම සිද්ධිය මෑතකදී මොරටුවේ වාර්තා වූ සමාන සිද්ධියකට පසුව වාර්තා වූ අතර, එහිදීද අනාරක්ෂිත තත්වයන් යටතේ සේවා සෝපානයක් භාවිත කරමින් සිටියදී එය කඩාවැටී සේවකයකු මරණයට පත්විය.

යාපනයේ සිද්ධිය පිළිබඳ පරීක්ෂණ අඛණ්ඩව සිදුවෙමින් පවතී.