මැදපෙරදිග සිටින ශ්‍රී ලාංකික සංක්‍රමණික ශ්‍රමිකයන්ගේ වැටුප් සූරාකෑම සම්බන්ධයෙන් එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවී කරුණානායක කනස්සල්ල පළකළේය.

පාර්ලිමේන්තුවේදී අදහස් දක්වමින් ඔහු රජයෙන් ඉල්ලා සිටියේ, සංක්‍රමණික සේවකයන් සඳහා අනිවාර්ය අවම වැටුප් ප්‍රතිපත්තියක් නැවත හඳුන්වාදීම ගැන සලකා බලන ලෙසයි.

COVID-19 වසංගතය මධ්‍යයේ 2016 දී හඳුන්වාදුන් ඩොලර් 300ක අවම වැටුප් ප්‍රතිපත්තියක් 2021 සැප්තැම්බර් මාසයේදී ඉවත්කළ බවද මන්ත්‍රීවරයා එහිදී පෙන්වාදුන්නේය.

එමෙන්ම ඔහු අවධාරණය කළේ, පිලිපීනය, නේපාලය, බංගලාදේශය, ඉන්දියාව සහ පාකිස්ථානය වැනි රටවලින් ශ්‍රී ලාංකිකයන් බඳවාගන්නේ සැළකිව යුතු අඩු සහ සූරාකෑමේ වැටුප් අනුපාතයකට බවයි.

මෙම රටවල් රැකියා කාණ්ඩය අනුව ඩොලර් 218 සිට ඩොලර් 1,364 දක්වා මාසික වැටුප් සහතික කරමින් ද්විපාර්ශ්වික ගිවිසුම් අත්සන් කර ඇති බව ද ඔහු සඳහන් කළේය.

ශ්‍රී ලාංකිකයන් මිලියන 1.7ක් පමණ දැනට මැදපෙරදිග සේවයේ නියුතු සිටින බැවින්, සාධාරණ වැටුප් ප්‍රතිපත්තියක් ක්‍රියාත්මක කිරීමෙන් වාර්ෂික විදේශ ප්‍රේෂණ ඩොලර් බිලියන 1.5කින් ඉහළ නැංවිය හැකි බව ද රවී කරුණානායක අවධාරණය කළේය.

සෞදි අරාබිය, එක්සත් අරාබි එමීර් රාජ්‍යය, කටාර් සහ කුවේට් යන රටවල සේවය කරන ශ්‍රී ලාංකිකයන්ට දැනට අදාළ වන අවම වැටුප සහ සාධාරණ වැටුප් සහ සේවා කොන්දේසි සහතික කිරීම සඳහා ද්විපාර්ශ්වික කම්කරු ගිවිසුම් අත්සන් කර තිබේද යන්න පිළිබඳවද ඔහු කම්කරු අමාත්‍යවරයාගෙන් ප්‍රශ්න කළේය.