පොලිස්පති දේශබන්දු තෙන්නකෝන් විසින් විෂමාචාර සහ බලය අයුතු ලෙස භාවිත කිරීම සම්බන්ධයෙන් විමර්ශනය කිරීම සඳහා පත්කරන ලද විමර්ශන කමිටුව ඊයේ(19) අඛණ්ඩව සිව්වැනි දිනටත් රැස්විය.

ශ්‍රේෂ්ඨාධිකරණ විනිසුරු පී.පී. සූරසේනගේ ප්‍රධානත්වයෙන් එම කමිටුව රැස්වූ අතර, විනිසුරු ඩබ්ලිව්. එම්. එන්.පී. ඉද්දවල සහ ජාතික පොලිස් කොමිසමේ සභාපති ඊ.ඩබ්ලිව්.එම්. ලලිත් ඒකනායක යන අයද එහි සාමාජිකයන් වශයෙන් කටයුතු කරති.

පැමිණිල්ලේ සාක්ෂිකරුවන් 28 දෙනකු විසින් කමිටුව ඉදිරියේ සාක්ෂි ලබාදී ඇති අතර, ඊයේ පෙනීසිටි හත්දෙනෙකු ද ඊට ඇතුළත් වේ.

දැනට නිල රාජකාරි සඳහා විදේශගතව සිටින සාක්ෂිකරුවන් දෙදෙනකුට ජුනි 26 වන දිනට පසු සාක්ෂි දීමට කමිටුව අවසර ලබා දී ඇත.

නීතිපති දෙපාර්තමේන්තුව නියෝජනය කරන අතිරේක සොලිසිටර් ජෙනරාල් (ජනාධිපති නීතිඥ) දිලීප පීරිස් සහ නියෝජ්‍ය සොලිසිටර් ජෙනරාල් රාජිත පෙරේරා, සාක්ෂිකරුවන් දෙදෙනා ජුනි 26 වැනි දින නැවත දිවයිනට පැමිණීමට නියමිත බව කමිටුවට දැනුම්දුන්හ.

වගඋත්තරකාර පොලිස්පතිවරයාගේ නීතිඥ නීතිඥ ආර්.එස්. වීරවික්‍රමගේ කැමැත්ත ඇතිව, කමිටුව ඔවුන්ගේ සාක්ෂි දීම සහ හරස් ප්‍රශ්න ඇසීමේ දිනය ඊළඟ දිනය සඳහා සැලසුම් කිරීමට අනුමත කළේය.

පොලිස්පතිවරයා වෙනුවෙන් ඉදිරිපත් වූ නීතිඥ ආර්. එස්. වීරවික්‍රම ඉදිරිපත් කළ කරුණු සලකා බැලීමේදී, කමිටුව විසින් ඔවුන්ගේ සාක්ෂි සහ හරස් ප්‍රශ්න සඳහා වෙනත් දිනයක් ලබාදීමට අනුමැතිය දී තිබේ.

අඊයේ එහි කටයුතු ආරම්භ කිරීමට අපේක්ෂා කළද, විත්ති පාර්ශවය සඳහා ලබන 23 වැනිදා දක්වා කාලය ඉල්ලා සිටි ඇති අතර, නීතිපතිවරයාගේ නියෝජිතයන්ගේ එකඟතාවය පරිදි කමිටුව මෙම ඉල්ලීම පිළිගෙන ඇත.

ඒ අනුව, කමිටුව ලබන (23) දින නැවත රැස්වීමට නියමිත අතර, ලබන (25) දින දක්වා එහි කටයුතු දිගටම පවත්වාගෙන යෑමට නියමිතය.

එහිදී පොලිස්පතිවරයාගේ පාර්ශවයෙන් සාක්ෂිකරුවන් 15 දෙනෙකු සාක්ෂි දීමට නියමිත බව අපේක්ෂා කෙරේ.

ඉන්පසු නැවත කමිටුව ලබන 26 පස්වරු 2.00 ට නැවත රැස්වීමට නියමිතය.