June 19, 2025
විදේශ කටයුතු අමාත්යාංශයේ අභ්යන්තර මෙහෙයුම් සහ රාජ්යතාන්ත්රික සේවාවන් ඩිජිටල්කරණය කිරීම කඩිනම් කිරීමට රජය පියවර ගෙන ඇති බව ජනාධිපති මාධ්ය අංශය නිවේදනයක් නිකුත් කරමින් පවසයි.
ඒ අනුව, රාජ්ය අංශයේ සේවා සැපයීම ඩිජිටල්කරණය කිරීමේ පියවරක් ලෙස, විදේශ කටයුතු, විදේශ රැකියා සහ සංචාරක අමාත්යාංශය විසින් ක්රියාත්මක කිරීමට නියමිත ඩිජිටල් ප්රතිසංස්කරණ සැලැස්ම පිළිබඳව එම නිවේදනයේ සඳහන් වේ.
විදේශ දූත මණ්ඩල සේවාවන්හි ඩිජිටල් කළමනාකරණය, පුළුල් කරන ලද ඩිජිටල් තානාපති සේවා හඳුන්වාදීම සහ සංක්රමණික සේවකයන්ට සපයනු ලබන සේවාවන් සඳහා විධිමත් යාන්ත්රණයක් ඔස්සේ ස්ථාපිත කිරීම යන ප්රධාන ක්ෂේත්ර අතරට එහිදි අවධානය යොමුව ඇත.
දේශීය හා අන්තර්ජාතික පරිශීලකයන් සඳහා තොරතුරු සහ සේවාවන් සඳහා වැඩිදියුණු කළ ප්රවේශවීම සහතික කරමින් පරිශීලක-හිතකාමී වෙබ් අතුරු මුහුණතක් හඳුන්වාදීම සඳහා ද සැලසුම් එළිදක්වා තිබේ.
විදේශ ගමන් බලපත්ර අයැදුම්පත් සහ අනෙකුත් නිල ලේඛන ඉදිරිපත් කිරීම වැනි විදේශයන්හි සිටින ශ්රී ලාංකික පුරවැසියන් සඳහා ක්රියාපටිපාටිය සරල කිරීම පිළිබඳව ද මෙම රැස්වීමේදී සාකච්ඡා කර ඇත.
මෙම ප්රතිසංස්කරණ මගින් පරිපාලන ප්රමාදයන් අවම කිරීම සහ පරිශීලක පහසුව සැලකිය යුතු ලෙස වැඩිදියුණු කිරීම අපේක්ෂා කෙරේ.
