හිටපු එල්.ටී.ටී.ඊ. නායක වේළුපිල්ලේ ප්‍රභාකරන්ට අයත් ආයුධ තොගයක් මෑතකදී රේගුව විසින් මුදාහරින ලද බහාලුම් හරහා රට තුළට ගෙන එන ලද බවට පාර්ලිමේන්තු මන්ත්‍රී රාමනාදන් අර්චුනා පාර්ලිමේන්තුවේදී කළ ප්‍රකාශ ආරක්ෂක අමාත්‍යාංශය තරයේ ප්‍රතික්ෂේප කර තිබේ.

එවැනි චෝදනා තහවුරු කිරීමට කිසිදු සාක්ෂියක් නොමැති බව පවසමින් ආරක්ෂක ලේකම් විශ්‍රාමික එයාර් වයිස් මාර්ෂල් සම්පත් තුයියකොන්තා විසින් එම ප්‍රකාශය සම්පූර්ණයෙන්ම පදනම් විරහිත සහ අසත්‍ය බව පවසමින් ප්‍රතික්ෂේප කර ඇත.

ජාතික ආරක්ෂක කරුණු ප්‍රසිද්ධ සංසදයන්වල දේශපාලනීකරණය කිරීම හෝ වැරදි ලෙස අර්ථ නිරූපණය කිරීම නොකළ යුතු බව ආරක්ෂක අමාත්‍යාංශය නැවත අවධාරණය කරයි.