බැංගලෝරයේ පැවැති රෝයල් චැලෙන්ජස් බැංගලෝර් කණ්ඩායමේ IPL ජයග්‍රාහී සැමරුම අතරතුර ඇති වූ තෙරපීම සහ මරණ සම්බන්ධයෙන්, පොලිසිය අද රෝයල් චැලෙන්ජර්ස් බැංගලෝර් හි අලෙවිකරණ සහ ආදායම් ප්‍රධානියා අත්අඩංගුවට ගෙන ඇත.

චින්නස්වාමි ක්‍රීඩාංගණය අසල ඇති වූ මාරාන්තික තෙරපීම සම්බන්ධයෙන් බැංගලෝර් පොලිසිය විසින් අත්අඩංගුවට ගත් පුද්ගලයන් හතරදෙනා අතර කණ්ඩායමේ මෙම නිලධාරියා ද සිටී.

පසුගිය 04 වැනි බදාදා ඇති වූ එම තෙරපීම හේතුවෙන් කණ්ඩායමේ කර්ණාටක ප්‍රාන්ත ක්‍රිකට් සංගමයේ (KSCA) සහ උත්සව කළමනාකරණ සමාගමක් වන DNA එන්ටර්ටේන්මන්ට් නෙට්වර්ක්ස් හි විධායක නිලධාරීන් අත්අඩංගුවට ගැනීමට මහඇමති සිද්ධාරාමයියා නියෝග කිරීමෙන් දිනකට පසුව මෙම පියවර ගන්නා ලදී.

එම සැමරුම සඳහා ලක්ෂ සංඛ්‍යාත රසිකයන් එක්රැස් වෙමින් සිටියදී චින්නස්වාමි ක්‍රීඩාංගණය පිටත ඇති වූ තෙරපීමකින් පුද්ගලයන් එකොළොස් දෙනෙකු මියගොස් තිබේ.