ශ්‍රී ලංකන් ගුවන් සේවයට අයත් ප්‍රංශයෙන් බදුගත් නව එයාර් බස් ගුවන්යානය වෙනුවෙන්, ශ්‍රී ලංකන් ගුවන් සේවය විසින් මාසිකව ඇමරිකානු ඩොලර් 275,000ක ගාස්තුවක් ගෙවිය යුතු බව ප්‍රවාහන අමාත්‍ය බිමල් රත්නායක අද (05) පැවැසීය.

එයාර් බස් යානයෙන් උපයන ආදායම හා සසඳන විට එය විශාල මුදලක් නොවන බව ඔහු පාර්ලිමේන්තුව හමුවේ සඳහන් කළේය.

රාජපක්ෂ පාලන සමයේ එයාර් බස් ගනුදෙනුව හේතුවෙන් ශ්‍රී ලංකන් ගුවන් සේවය තවමත් මාසිකව ඇමරිකානු ඩොලර් 800,000ක් ගෙවන බවත්, එම ගනුදෙනුවෙන් ශ්‍රී ලංකන් ගුවන් සේවයට එයාර් බස් නොලැබුණු බවත් අමාත්‍යවරයා පෙන්වාදුන්නේය.

එයාර් බස් ගනුදෙනුව අවසන් කිරීමෙන් රාජපක්ෂ ආණ්ඩුව මිලියන ගණනක් වංචා කළ අතර, අනෙක් අතට රනිල් වික්‍රමසිංහ ආණ්ඩුව විසින් එම ගනුදෙනුව අවලංගු කිරීමෙන් වංචා කළ බවද ඔහු තවදුරටත් කීවේය.