June 1, 2025
බලපිටිය අධිකරණ සංකීර්ණ පරිශ්රයේ වසර 200කට වඩා පැරණි යැයි සැළකෙන ගසක් කපාදැමීම සම්බන්ධයෙන් ශ්රී ලංකා මානව හිමිකම් කොමිසමට පැමිණිලි කර ඇත.
බලපිටිය නීතිඥ සංගමයේ ශාඛාවේ සභාපති කේ.වී. ලාල් ශාන්ත විසින් මෙම පැමිණිල්ල ගොනුකර ඇත.
අධිකරණ ලේඛන ගබඩා කිරීම සඳහා කන්ටේනරයක් තැබීම වෙනුවෙන් ගස ඉවත්කර ඇති බව පැමිණිල්ලේ සඳහන් වේ.
අධිකරණ පද්ධතියේ ඉතිහාසය සළකා බලන විට බලපිටිය අධිකරණ සංකීර්ණය ශ්රී ලංකාවේ ඓතිහාසික උරුමයක් සහ සංස්කෘතික උරුමයක් බව ඔහු පෙන්වා දී ඇත.
එය 1802 දී ලංකාවේ පළමු අගවිනිසුරු ශ්රීමත් කොඩ්රින්ටන් එඩ්මන්ඩ් කැරිංටන් විසින් ආරම්භ කරන ලද අධිකරණ නවයෙන් එකකි.
බලපිටිය මහේස්ත්රාත් අධිකරණ සහ බන්ධනාගාරය පුරාණ බ්රිතාන්ය ගෘහ නිර්මාණ හා මූර්ති කලාවන්ට අනුව නිර්මාණය කර ඇත.
බලපිටිය හිටපු මහාධිකරණ විනිසුරු ආචාර්ය නාමල් බණ්ඩාර බලල්ලේ අධිකරණ සංකීර්ණයේ ඓතිහාසික වැදගත්කම සැළකිල්ලට ගනිමින් 2017 දී පුරාවිද්යා දෙපාර්තමේන්තුවට දැනුම් දුන්නේ, මෙම අධිකරණ සංකීර්ණය සංරක්ෂණය කිරීම සඳහා අවශ්ය පියවර ගන්නා ලෙසයි.
කන්ටේනරය තැබීම සඳහා කරන ලද ඉදිකිරීම් හේතුවෙන් අධිකරණ පරිශ්රයේ සංස්කෘතික හා ඓතිහාසික වටිනාකම විනාශ වී ඇති බව පෙත්සමේ සඳහන් වේ.
බලපිටිය නීතිඥ සංගමයේ සභාපතිවරයාට අවශ්ය වන්නේ මේ සම්බන්ධයෙන් විමර්ශනයක් සිදුකිරීමයි.
