නිදහස් ජනතා සන්ධානයේ නායක ඩලස් අලහප්පෙරුම සහ ශ්‍රී ලංකාවේ ඇමරිකානු තානාපතිනි ජූලි චුන්ග් බදාදා සුහද සාකච්ඡාවක නිරතවී ඇත.

‘X’ වෙත අදහස් දක්වමින් හිටපු පාර්ලිමේන්තු මන්ත්‍රී අලහප්පෙරුම පවසා ඇත්තේ, සිය නිවෙසේ පැවැති සාකච්ඡාවේදී, ශ්‍රී ලංකාවේ වත්මන් දේශපාලන වාතාවරණය, ඇමරිකා එක්සත් ජනපදයේ නව පරිපාලනය, ආර්ථික සහයෝගීතාව සහ ද්විපාර්ශ්වික සබඳතා කෙරෙහි අවධානය යොමුකළ බවයි.

“ශ්‍රී ලංකාව, එහි සංස්කෘතිය සහ ජනතාව සමඟ ඇයගේ අඛණ්ඩ උද්‍යෝගිමත් සම්බන්ධතාවයට කෘතඥ වෙනවා,” ඔහු තවදුරටත් පවසයි.

ඩලස් අලහප්පෙරුම එක්සත් ජනපද තානාපතිනි ජූලි චුන්ග් සමඟ එක්සත් ජනපද තානාපති කාර්යාලයේ දේශපාලන ලේකාම් සැක් ලෝන්ස්ද හමුව තිබේ.