සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස අද උදෑසන ලෝක සෞඛ්‍ය සංවිධානයේ (WHO) 78 වන වාර්ෂික ලෝක සෞඛ්‍ය සමුළුවට (WHA78) සහභාගී වීම සඳහා ස්විට්සර්ලන්තය බලා පිටත්ව ගියේය.

මෙම සමුළුව මැයි 19 සිට 27 දක්වා ස්විට්සර්ලන්තයේ ජිනීවා හිදී ‘සෞඛ්‍යය සඳහා එක් ලෝකයක්’ යන තේමාව යටතේ පැවැත්වේ.

සියලුම WHO සාමාජික රටවල සෞඛ්‍ය අමාත්‍යවරුන් සහ ලොව පුරා සෞඛ්‍ය අංශ නියෝජනය කරන රාජ්‍ය නිලධාරීන් 5,000 කට වැඩි පිරිසක් සහභාගී වීමට නියමිතය.

මෙම සමුළුව අතරතුර යෝජනා, අදහස් සහ පර්යේෂණ දත්ත ඉදිරිපත් කර සළකා බැලීමට නියමිත පුළුල් පරාසයක සාකච්ඡා මාලාවක් සැලසුම් කර ඇත.

මෙම ප්‍රතිඵල ඉදිරි වසර සඳහා ගෝලීය සෞඛ්‍ය ප්‍රතිපත්ති සහ උපාය මාර්ග සකස් කරනු ඇතැයි අපේක්ෂා කෙරේ.