අතුරුගිරියේ ‘ක්ලබ් වසන්ත’ ඝාතනයේ ප්‍රධාන සැකකරු හඳුනාගෙන ඇති, කුප්‍රකට පාතාල අපරාධකරුවකු වන සුජීව රුවන්කුමාර ද සිල්වා නොහොත් ‘ලොකු පැටී’ බෙලරුස්හි සිට ශ්‍රී ලංකාවට ගෙනැවිත් තිබේ.

පසුගිය වසරේ අගෝස්තු මාසයේදී වාර්තා වූයේ නඩු කිහිපයකට සම්බන්ධ ‘ලොකු පැටී’ බෙලරුස්හිදී අත්අඩංගුවට ගත් බවයි.

ඒ අනුව, අපරාධ පරීක්ෂණ දෙපාර්තමේන්තුව (CID) ඔහුව ශ්‍රී ලංකාවට ගෙන ඒමට පියවර ගෙන තිබේ.

අද උදෑසන ඩුබායි සිට පෞද්ගලික ගුවන් සමාගමකට අයත් ගුවන් යානයකින් ඔහු ආපසු ගෙනැවිත් ඇත.

2024 ජූලි 08 වන දින අතුරුගිරියේදී ‘ක්ලබ් වසන්ත’ වෙඩිතබා ඝාතනය කිරීමේ ප්‍රධාන සැකකරු ‘ලොකු පැටී’ වන අතර, ඔහු විසින් ඝාතනය සැලසුම් කර අරමුදල් සපයා ඇති බවට සැකකෙරේ.