යුනෙස්කෝ සංවිධානයේ ලෝක උරුම අඩවියක් වන 12 වැනි සියවසේ ඉදිකෙරුණු පොළොන්නරුවේ පිහිටි ථූපාරාම පිළිම ගෙය සංරක්ෂණය කිරීම සඳහා සංරක්ෂණ ව්‍යාපෘතියක් දියත් කර තිබේ.

ඒ සඳහා අමෙරිකානු තානාපති කාර්යාලය, සංස්කෘතික අමාත්‍යාංශය සහ මධ්‍යම සංස්කෘතික අරමුදල එක්ව රුපියල් මිලියන 32ක් වැය කිරීමට නියමිතය.

සංස්කෘතික සංරක්ෂණය සඳහා වූ එක්සත් ජනපද තානාපති අරමුදල (AFCP) විසින් අරමුදල් සපයනු ලබන මෙම ව්‍යාපෘතියේ අරමුණ ප්‍රතිමා මන්දිරයේ ආරුක්කු ගඩොල් වහලයට සහ සංකීර්ණ ස්ටූකෝ මෝස්තර සඳහා ප්‍රසිද්ධ මෙම ඓතිහාසික ස්ථානයට තවදුරටත් හානි වීම වැළැක්වීමයි.

ව්‍යාපෘතියේ සමාරම්භක උත්සවයට මෙරට එක්සත් ජනපද තානාපතිනි ජූලි චුන්ග් සහ බුද්ධශාසන, ආගමික හා සංස්කෘතික කටයුතු ඇමැති හිනිදුම සුනිල් සෙනෙවි සහභාගී වී තිබිණි.