මෙරටට ආනයනය කරන ලද විශාල සහල් තොග දෙකක සැළකිව යුතු තත්ත්ව ගැටලු පවතින බව ශ්‍රී ලංකා රේගුව අනාවරණය කර ඇත.

ඒ අතුරින් පළමු තොගයේ, එනම් මුළු කිලෝග්‍රෑම් 50,000ම, ගුල්ලන් ආසාදනය වී ඇති බව සොයාගෙන තිබේ.

මේ අතර, තවත් සහල් කිලෝග්‍රෑම් 25,000ක් ආනයනික රෙගුලාසි උල්ලංඝණය කරන, නිෂ්පාදන තොරතුරු ලේබලවල වෙනස්කම් සහිත බව හෙළිවී ඇත.

මෙම ප්‍රමිතියෙන් තොර සහල් තොග ප්‍රතිඅපනයනය කරන ලෙස අදාළ ආනයනකරුවන්ට උපදෙස් දෙමින් බලධාරීන් කඩිනම් පියවර ගෙන ඇත.

එම උපදෙස් පිළිපැදීමට අපොහොසත් වුවහොත් රේගුව විසින් මෙම සහල් තොග රාජසන්තක කරනු ඇත.