සමගි ජන බලවේගය පාර්ලිමේන්තු කණ්ඩායම අද පස්වරු 5 ට රැස්වීමට නියමිතය.

එහිදී විපක්ෂයේ ප්‍රධාන සංවිධායකවරයා තෝරාගැනීම සහ හෙට පාර්ලිමේන්තුවේදී පැවැත්වීමට නියමිත ජනාධිපති අනුර කුමාර දිසානායකගේ ප්‍රතිපත්ති ප්‍රකාශය පිළිබඳ විවාදයට සහභාගී වන අය තෝරා ගැනීම සිදුකෙරෙන බව වාර්තා වේ.

“මේ වැදගත් තීරණ ගැනීමට අද පස්වරු 5ට අපේ පාර්ලිමේන්තු කණ්ඩායම රැස්වෙනවා,” යැයි පාර්ලිමේන්තු මන්ත්‍රී අජිත් පී. පෙරේරා ජනමාධ්‍ය වෙත පවසා ඇත.