කිළිනොච්චිය ප්‍රදේශයේ අයහපත් කාලගුණික තත්ත්වයන් පැවතියද ජනතාව අද ‘මාවීරර් දිනය’ සමරා ඇත.

යාපනය දිස්ත්‍රික් පාර්ලිමේන්තු මන්ත්‍රී සිවඥානම් ශ්‍රීදරන් විසින් මෙම අනුස්මරණ උත්සවයේ වීඩියෝ දර්ශන බෙදාගෙන ඇති අතර, ශ්‍රී ලංකාවේ යුද්ධයේදී මියගිය තම පවුලේ සාමාජිකයන් කිහිපදෙනෙකු සිහිපත් කරන ආකාරය එහි පෙන්නුම් කරයි.

නොවැම්බර් 27 වැනිදාට යෙදෙන සැමරුම් උත්සවයේදී ලාංඡන, නිල ඇඳුම් හෝ එල්.ටී.ටී.ඊ සාමාජිකයින්ගේ පින්තූර යොදාගනිමින් උත්සව පැවැත්වීමේ හැකියාවක් නොමැති බව මේ සතිය මුලදී මහජන ආරක්‍ෂක අමාත්‍ය ආනන්ද විජේපාල ප්‍රකාශ කළේය.

කෙසේවෙතත් උතුරේ ජනතාවට තම ඥාතීන් සිහිපත් කිරීමට බාධාවක් නොවන බවත්, නීතියට අවනතව එය සිදුකිරීමට සිදුවන බවත් අමාත්‍ය විජේපාල පැවැසීය.