හිටපු ජනාධිපති මහින්ද රාජපක්ෂ සමඟ සාකච්ඡා කර ශ්‍රී ලංකා පොදුජන පෙරමුණේ පූර්ණ සහයෝගය ලබාගැනීමට උත්සාහ කරන ලෙස නියෝජ්‍ය කථානායක අජිත් රාජපක්ෂ ජනාධිපති රනිල් වික්‍රමසිංහට දැනුම් දී තිබේ.

ජනමාධ්‍ය නිවේදනයක් නිකුත් කරමින් නියෝජ්‍ය කථානායකවරයා පවසන්නේ, තමන් පෞද්ගලිකව මෙම ඉල්ලීම ජනාධිපති වික්‍රමසිංහගෙන් කළ බවයි.

“මම ජනාධිපතිතුමාට කිව්වා එතුමා අනිවාර්යයෙන්ම ජනාධිපතිවරණය දිනනවා, නමුත් රාජපක්ෂලාගේ සහයෝගය ලබාගන්නවා නම් එතුමාගේ ජයග්‍රහණය තවත් වැඩියි කියලා. හිටපු ජනාධිපති රාජපක්‍ෂ මහතා අවබෝධයෙන් කටයුතු කරන කෙනෙක් නිසා එතුමාට සම්පූර්ණ සහයෝගය දෙනවා කියලා” නියෝජ්‍ය කථානායකවරයා වැඩිදුරටත් පවසයි.

තවත් ශ්‍රී ලංකා පොදුජන පෙරමුණේ සාමාජිකයන් කිහිපදෙනකු ද එම මතයේ සිටින බව ඔහු සඳහන් කරයි.