සිදුකෙරෙන විමර්ශනය හේතුවෙන් ඉන්දියානුවෝ 20 දෙනෙක් සහ එක් ශ්‍රී ලාංකිකයෙක් වශයෙන් නාවිකයෝ 21 දෙනෙක් එක්සත් ජනපදයේ බැල්ටිමෝර්හි ෆ්‍රැන්සිස් ස්කොට් කී පාලමේ ගැටුණු ඩාලි නමැති බහාලුම් යාත්‍රාවේ සිරවී සිටිති.

පසුගිය සති හත තුළ ඔවුන් යාත්‍රාවට සීමා වී ඇත්තේ අඛණ්ඩ පරීක්ෂණයක් හේතුවෙනි.

ඔවුන්ගේ දුරකථන රාජසන්තක කිරීමත් සමඟම, ඔවුන්ට ඔවුන්ගේ පවුල් සමග සම්බන්ධ වීමටද නොහැකිවී තිබේ.

ෆෙඩරල් විමර්ශන කාර්යාංශය (FBI) විසින් ඔවුන්ගේ ජංගම දුරකථන මෙලෙස රාජසන්තක කර ඇති අතර විමර්ශන අවසන් කෙරෙන දිනයක් පිළිබඳව මෙතෙක් දැනුම්දී නොමැත.